Üsi Produkt
us de Region
Vo wo stammet üsi Produkt?
Vieli vo üsne Produkt, v.a. d'Chüeche, Desserts & Spiise, sind mit viel Liebi selbergmacht. Mir achtet bi dä Zuetate möglichst uf Regionalität und Saisonalität. Üs liits sehr am Herze v.a. regionali Chliundernehme z'fördere, indem mir ihri Produkt für d'Verarbeitig nutzet oder sie direkt abütet. I dä folgende Uflistig chasch du chli meh über di einzelne Undernehme erfahre:
Kafi
Mikro-Kafirösterei Sigma Coffee Roaster us Niederhelfeschwil (SG)
Marcel Ramseyer
Fairä, direkte Handel vo Kafibohne us Indie
D’Firma leit grosse Wert uf Transparenz, Persönlichkeit und Nochhaltigkeit
Agebot sowohl vo Bio-Kafi und Kafi vo Farme, wo Biodiversität speziell förderet
Nur handverleseni Kafibohne, wo im Schatte anegriift sind (besser balanciert)
Motto: eifach guete Kafi
3. Platz bi dä Schwizer Kafiröstmeisterschaft im 2018
Kompostierbari, us bio basiertem Material bestehendi Verpackig
Tee
Gurinders Teewelt us Rothehuuse (TG)
Gurinderjit Singh Chahal
Handverleseni Tees
ohni Zuesatzstoff us Indie, China, Japan, Afrika & Südamerika
D’Firma kennt ihri Teeproduzente persönlich
D’Qualität vo dä Teeblätter stoht a erster Stell; regelmässigi Qualitätskontrolle
Kei Produkt us Massefertigung
Nochhaltigi, biologisch abbaubari Verpackige
Bio-Label in Entwicklig
Punsch, Sirup, Iistee
Firma Neuberg us Lenggewil (SG)
Corina und Sepp Hälg mit Ramon und Silvan
D’Sirüp werdet mit viel Herzbluet vo dä Familie Hälg hergstellt
D’Grundprodukt däfür stammed, wenn möglich, us eigenem Abau oder us dä Region
Es werdet sunnegriifti Frücht und Beeri oder frischi Blüete und Blätter verwendet
Chai-Sirup
Tschaigenuss us St. Galle (SG)
Nadine Merz
Äs Schwiizer Produkt
100% natürlich
In Handarbeit produziert
Vegan, gluetefrei, laktosefrei
ZERO-Variante isch au für Diabetiker geignet
Schorle
Samuel’s Schorle us Winterthur (ZH)
Daniel, Sabine & Samuel mit Produktionsteam
Zwor chli wiiter weg wie di andere Undernehme, wo mir understützed, däfür unschlagbar mit ihrne Produkt
Ursprünglich hend d'Eltere vom Samuel ä fruchtigs Erfrischigsgetränk für ihren Sohn wölle entwickle, wo fein isch und ä natürlichi Alternative zu dä zuckrige Getränk darstellt, wo sust uf em Markt sind
D’Rohstoff für d’ Schorles werdet, wenn immer möglich, us dä Schwiiz bezoge
Es werdet nur Bio-Säft und -Tees verwendet
S’Familieundernehme verzichtet bewusst uf Zuckerzuesätz, Konservierigsmittel, Süüreregulatore und irgendwelchi anderi unnatürlichi Substanze
Nochhaltigkeit isch em Undernehme sehr wichtig; d’Schorles werdet primär über
Getränkehändler vertriebe & au i Mehrweg-Fläsche abote
Orangesaft
Biotta-AG us Tägerwile
100% Bio oder Demeter
100% Natur, ohni künstlichi Zuesätz
0% Zucker
Verantwortigsvolls Handle und nochhaltigi Produktion isch tüf verankeret i dä DNA vom Undernehme
Wenn immer möglich bezieht Biotta d’Rohstoff vo lokale Buure, also us dä Region
Öpfelsaft Anni
Bäremost us Opfershofe (TG)
Christoph und Debora Bär mit Grossvater, Grosi und dä vier Bärebrüedere
D’Familie Bär betriebt scho sit Generatione en eigene Hof, wo d’Öpfel für dä Bäremost wachset
Es isch en Biobetrieb, wo uf chemisch-synthetischi Mittel verzichtet und nur organischi Dünger verwendet
D’Familie Bär begleitet ihri Frücht vo dä Knospe über d’Blüete bis zur Ernti mit eim Ziel vor Auge: im Herbst hochwertigi Öpfel mit vollem Fruchtaroma z’ernte
Jede Öpfel wird vo Hand pflückt und nur di gsunde, riifä und saftige Frücht werdet für dä Bäremost verwendet
D’Öpfel werdet au direkt uf em Hof entsaftet
S’Familieundernehme verzichtet uf jeglichi Zuesätz
Alli Säft sind benannt noch enere Frau us dä Familie; mir hend üs für dä Saft, benannt noch em Urgrosi Anni, entschiede – lieblich, süess, vollmundig
Bischofszeller Bier
Stadtbier Bischofszell vo dä Brauerei Locher us Appezell (AI)
Facebook-Siitä «Stadtbier Bischofszell»
Ä süffigs, liechts Bier, wo vo dä drü Bischofszeller Thomas Knill, Pascal Roth und Lukas Zogg entwicklet worde isch
Für üs drum es «Muess» uf dä Getränkecharte!
Es wird usserdem vo dä Brauerei Locher braut, wa au no sehr «regional» isch
Locher Craft Hazy Climber IPA, Fruity Cave
Brauerei Locher us Appezell (AI)
Die beide Bier hemmer eifach müesse uf üsi Getränkecharte neh, well’s unschlagbar lecker sind und au no zu üs passed – Chlettere isch jo üsi Liideschaft
Usserdem werdets au wieder vo dä Brauerei Locher braut
Schützegarte India Pale, alkoholfrei
Brauerei Schützegarte us St. Galle (SG)
D’Firma lebt d Philosophie vom
traditionelle Braue im Einklang mit dä Natur
Sit über 240 Johr gits da Undernehme, wa a Erfahrig kum z'toppä isch
Bewusst wird uf d’Awendig vo beschleunigte Brauverfahre verzichtet
Schützegarte stoht au für en respektvolle Umgang mit dä Ressource, churzi Transportweg und dä ständigi Ustuusch mit dä Rohstofflieferante
Mit em Standort St. Galle und dä Region Ostschwiiz nehmemer äs Produkt i üsi Getränkecharte uuf, wo ebefalls als «regional» gilt
Möhl Saft vom Fass, alkoholfrei
Firma Möhl us Arbon (TG)
D’Familie Möhl het Saft im Bluet und führt s’Undernehme scho i dä 5. Generation
Möhl stoht für solidi Safthandwerkstradition
Es werdet nur frischi Frücht us Hochstamm-Obstgärte rund um Arbon – also sehr «regional» - verwendet
S’Undernehme understützt dä Erhalt vo alte Obstsorte i dä Gärte als Bekenntnis zur Biodiversität und Artevielfalt
Möhl stoht für höchsti Qualität us über 125-jöhriger Erfahrig
Remolino
Monn drink’s us Sitterdorf (TG)
Remo Monn
Äs erfrischends Biermischgetränk, wo dä Remo (en ehemolige Bischofszeller, wo ez in Sitterdorf lebt) erfunde het
S’ Remolino wird us eme nur liecht ghopfte Bier hergstellt – erst imene zweite Schritt werdet di rein natürliche Arome bigfüegt
Rotwii, Wisswii, Prosecco
Wiihandlig «Wein und mehr» us Bischofszell
Réka John
www.mehrwein.ch
Üsi feine Wii und dä sprützigi Prosecco bezüchet mir direkt vo dä Réka vis-à-vis vo dä Kornhalle
Di beide Wii werdet mit Ostschwiizer Trube hergstellt – lokaler goht fast nüm
Dä Prosecco Borga isch us Italie, suss dürft er gar nöd Prosecco heisse – so ziemli s'einzig Produkt, wo vo wiiter eweg herchunnt
Zwetschge, Rahmlikör Dolce Vita
Appezeller Alpebitter AG us Appezell (AI)
Familie Kölbener & Ebneter
Für üsen Kafi Luz ä Zwetschge us dä Innerschwiiz z’neh hettemer nöd wölle – drum hemmer üs für d’ Zwetschge vom Appezeller entschiede, wa chli regionaler isch
S’gliiche gilt au für üsen Kafi mit Rahmlikör – en Baileys wär üs au z'wenig regional – drum dä Dolce Vita
Milch, Rahm, Zucker, Schoggi, Mehl, Eier, Frücht, Gmües usw.
Diversi Grosshändler wie bspw. Coop, Migros Bischofszell
Well mir zerst i üsi neu Ufgob müend inewachse, bezüchet mir di gnannte Produkt vorerst bim Grosshändler
Mir achtet druf möglichscht saisonal und regional izraufe, wenn möglich au Bio-Produkt
Üsen Wunsch isch es aber, mit dä Marktverchäufer zämäzschaffe, wo’s sinnvoll und für üs machbar isch
Mir freued üs uf s nöchere Kennelerne und uf än allfälligi Zämänarbet
Brot, Gipfeli
Königs Beck – dä Beck um s’Eck – vo dä Filiale Bischofszell
Michaela und Samuel König
www.koenigsbeck.ch
Betriebet s’traditionelle Bäckereihandwerk mit viel Liebi, Freud und Fachwüsse
D’Produkt chömed direkt us dä Bachstube in Zihlschlacht-Sitterdorf oder werdet i dä Filiale in Bischofszell frisch bache
Frisch, huusgmacht, mit regionale Zuetate – da isch di täglich Devisä vom Königs Beck
Fleisch
Metzgerei Otto Baumgartner-Wagner us Sitterdorf
Familie Baumgartner-Wagner
Üsi Vorgängerin, d’Betriiberin vom Marktbeizli Bischofszell, het s Fleisch scho vo dere Metzgerei bezoge – so hend mir denkt,
mir füehret die Tradition wiiter und understützed ebefalls da Familieundernehme us em Nochberdorf
«gutes Fleisch – Gutes aus Fleisch» isch s’ Motto vo dä Metzgerei